spellemann og rosemålar

Pål K. Hulebak

Faktaboks

Pål K. Hulebak
Hulebak, Paul K.
Født
1788, Hemsedal
Død
1861, USA

Artikkelstart

H. lærte truleg rosemålaryrket av faren. Ein viss slektskap er det i stil og farge, særleg dei første åra. Karakteristisk er "Hulebak-tulipanen" på den S-forma stengelen med blad og små blomar ut til sidene, like eins rokokko C-ane med tett bladverk omkring. H. skil seg ut frå faren ved større detaljrikdom og finare lineteikning. I mellomperioden fram til ca. 1850 får stilen hans eit umiskjenneleg Valdres-preg. På kister og større flater er mønstret framleis ordna symmetrisk, oftast med C-bogane vende mot kvarandre og samanbundne med eit band oppe og/eller nede. På sitt beste viser H. ein fin og kjenslevar koloritt, men ornamentikken er nokså stereotyp. Etter at tinndølen Thomas Luraas hadde arbeidd i Hemsedal i 1850 og 1852 la H. om stilen sin. Frå no av prøvde han langt på veg å kopiere Luraas-rosene, men nådde aldri opp mot telemarkingen i teknisk meisterskap. I 1861 emigrerte Pål med kone og ni barn til USA. På vegen innover i landet fekk han tyfus og døydde straks dei kom fram til Goodhue County i Minnesota.

Familierelasjoner

Sønn av

Litteratur

  • Flaten, H., Hemsedals Slektshistorie 1693–1923, Drammen, 1925, s. 266, 312
  • Flaten, H., Hemsedal 1814–1914, Drammen, 1915, s. 88, 197
  • Ellingsgard, N., Rosemåling i Hallingdal, Oslo, 1978, s. 83