Syver Hallsteinson Grøt

G. var berre 32 år gammal då han emigrerte til USA. Difor er det få arbeid att etter han, men dei som finst vitnar om evner langt ut over det vanlege i bygdekunsten. Han prøvde tydelegvis å gå sine eigne vegar, sjølv om ein merkar ein viss påverknad frå læremeisteren Torstein Sand. Det er i mindre format han viser sitt beste: Bollar og øltrøyser er kvar på sitt vis interessante arbeid med rik variasjon i mønster og koloritt. Fargeklangen er oftast frisk og munter med små innslag av bladgull. Elles har kvar ting sin eigen, individuelle karakter.